Սոցիալական ցանցերում տեքստերի վերնագրերը շատ կարևոր դեր ունեն։ Դրանց ճիշտ ընտրությունից է կախված  գովազդի հաջողությունը։

Գովազդի արքան՝ Դեյվիդ Օգիլվին, պնդում էր, որ միջինում մարդիկ վերնագրերը կարդում են 5 անգամ ավելի հաճախ, քան դրանց հաջորդող տեքստերը: Այստեղից հետևություն՝ եթե Դուք վերնագրում չեք նշում Ձեր պրոդուկտի մասին, կամ չեք ստիպում մարդկանց՝ կարդալ տեքստը, ապա կորցնում եք Ձեր պոտենցիալ հաճախորդների 80%-ին:

Շատ կարևոր է վերնագրում նշել, թե ում համար է նախատեսված հոդվածը, Այսպիսով դուք զտում եք լսարանը և կենտրոնանում եք թիրախային լսարանի վրա: Սա նաև օգնում է, որպեզի տվյալ կոնտենտով հետաքրքրվողները հեշտությամբ կողմնորոշվեն և ընտրեն հենց Ձեր առաջարկածը:

Պետք է հիշել, որ կարճ վերնագիրը միշտ ավելի գրավիչ է: Ինչքան բառերը քիչ լինեն, այնքան դրանց վրա ավելի շատ ուշադրություն կկենտրոնանա:

Սակայն չմոռանաք, որ կարճ վերնագիրը նույնպես պետք է հնարավորինս ճիշտ բնութագրի հոդվածի էությունը: