Տեղեկատվության ավելի քան 90%-ը մարդն ընկալում է իր աչքերով և զարմանալի չէ, որ սոցիալական ցանցերի օգտատերերի ճնշող մեծամասնությունը նախապատվությունը տալիս է հետաքրքիր և բովանդակալից վիդեոներին՝ խուսափելով ծավալուն տեքստերից։

Մասնագետներն ասում են , որ հետևորդներին պետք է հետաքրքրի վիդեոյի առաջին 7 վայրկյանը, սակայն «instagram»-ի պրակտիկան ցույց է տալիս, որ օգտատերին ընդամենը մեկ վայրկյան է անհրաժեշտ՝ վիդեոն դիտելու և որոշում կայացնելու համար ։ Դրա համար անհրաժեշտ է, որ վիդեոկոնտենտը մշակելիս ևս լինեք շատ ուշադիր՝ ընտրեք հետաքրքիր և կրեատիվ թեմա, վիդեոն լինի դինամիկ և որ ամենակարևորն է օգտատերերի մոտ առաջացնի էմոցիա։

Հետևորդը կարող է և պե՜տք է զարմանա, բայց ո՜չ մի դեպքում դիտելուց հետո հետևորդը չպետք է անտարբեր մնա։
Հիշե՜ք, որ հասարակական տրանսպորտում վիդեոներն ավելի հաճախ դիտում են առանց ձայնի և հետևաբար, այն պետք է լինի խոսուն, որ անգամ առանց ձայնի պարզ լինի ինչի մասին է խոսքը։